На средба меѓу Здружението на новинарите на Македонија и Лекарската комора на Република Северна Македонија која се одржа вчера во просториите на ЗНМ на барање на Комората. Двете страни во иднина се заложија да потпишат меморандум за соработка врз основа на кој ќе се дефинираат конкретени активности за подобрување на соработката помеѓу двете фели.
Целта на состанокот беше да се разменат идеи во однос на унапредување на комуникацијата помеѓу новинарите и лекарите, соопшти ЗНМ.
Констатирано беше дека и новинарите и лекарите беа еднакво изложени пред јавноста, посебно во периодот на пандемијата на КОВИД-19, што ја засили потребата од поголема соработка помеѓу двете страни.
Во иднина, соопшти ЗНМ, ќе има иницијатива за средба во поширок состав помеѓу новинарите и уредниците кои што известуваат за здравствениот сектор и претставници на Лекарската комора. На состанокот беа истакнати и критичните точки од двете страни, а тоа се навремена информација и достапност на изворот за новинарите и вистинита и квалититена објава за лекарите.
