Европската унија во новата ажурирана листа на земји за кои не беа потребни ограничувања при патувањата ги исфрли Македонија, Косово, Црна Гора, Израел, Либан и САД. ЕУ им препорачува на своите 27-земји членки да ги вратат ограничувањата за туристите од овие држави поради зголемената инфекција на ковид во истите. А посебно да ги контролираат непотребните патувања. Патниците ќе подлежат на построги гранични контроли, како што се тестови на коронавирус и карантин. Целта е да се усогласат правилата за патување во ЕУ, иако не се обврзуваат членките кои слободно ја спроведуваат својата гранична политика.
На европската „бела листа“ сега има 17 држави, вклучувајќи ги Канада, Јапонија и Нов Зеланд.
Советот на ЕУ ја ажурира листата за безбедно патување на секои две недели, врз основа на стапката на ковид инфекцијата. Прагот за да се биде во листата на безбедни земји е во државите да нема повеќе од 75 нови ковид случаи на сто илјади жители во изминатите 14 дена.
ЕУ се уште им дозволува на повеќето вакцинирани патници да влегуваат, иако периодично може да се воведат тестови и карантин, во зависност од тоа во која земја на Унијата се патува.
