Состојбата со противпожарните екипи во земјава уште пред една година ја анализираше центарот за граѓански комуникации. Според нивната дата база недостигаат дури 536 пожарникари за да го задоволат законскиот минимум. Само на скопје му фалат повеќе од 200, на Тетово 65 пожарникари, и Гостивар со 52 пожарникари.
Но во анализата се отвора уште едно прашање. Ако има доволно пожарникари, дали има што да возат?
Во земјава има вкупно 241 противпожарно возило, со просечна старост на од 28 години. Најстари возила имаат Кратово и Делчево, најнови Велес и Демир Хисар.
Најстари возила, во просек 35 години, и натаму има противпожарната единица во Кратово. Со истата просечна старост на возилата од 35 години е и противпожарната единица од Делчево, а веднаш зад нив на третото место е Струмица, со 33 години. Валандово и Струмица ги имаат двете најстари противпожарни возила во земјава – ТАМ 5500 и ФАП 13 – и двете од 1966 година, односно стари по 54 години. Најмладите три возила, стари нецела година, односно произведени во 2019 година ги имаат Прилеп и Демир Хисар.
Инаку, најмалку противпожарни возила во земјава има единицата во Македонски Брод, само две, додека по три возила имаат единиците во Демир Хисар, Берово и Делчево.
Кога станува збор за застапеноста на марки возила, убедливо води ФАП со дури 63 возила. Следат Лада Нива од која има 32 возила, ДАФ со 20 возила и ТАМ со 18. Од марките Волво и Мерцедес има по 13 возила.
Но кога има големи пожари на целата територија на Македонија, како противпожарни единици на Република Северна Македонија дејствуваат територијалните единици на градот Скопје и општините: Битола, Куманово, Тетово, Прилеп, Велес Кавадарци, Гевгелија, Струмица, Кичево, Охрид, Кочани, Штип и Гостивар.
Билјана Николовска