Светската здравствена организација предупреди на брзото ширење на делта варијантата од корона вирусот, посочувајќи дека тоа треба да служи како повик за акција и за забрзување на вакцинацијата ширум светот, пред да се појават и нови, поопасни варијанти.
СЗО вчера објави дека бројот на позитивни случаи во минатите 4 недели, се зголемил за 80 проценти.
На прес конфернцијата во Женева се слушнаа и критики за однесувањето на најбогатите земји во светот, кои и покрај ветувањето дека ќе донираат вакцини на посиромашниот дел од светот, се уште не преземаат доволно чекори да ја исполнат својата обврска.
Особено е тешка ситуацијата во Африка, каде не е вакцинирано ниту 10% од населението.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.