Смирувачки вести од Велес, каде е хоспитализиран 43 годишен пациент, позитивен на делта сојот од корона вирусот.
Според здравствените работници од овој град, пациентот, кој бил хоспитализиран на 28-ми јуни, веќе го минал периодот кога можел да го пренесе вирусот, но засега нема ниту еден нов случај од велешко, кој би можел да биде заразен од него.
Дури ниту неговата сопруга, која според епидемиолошката анкета, е единствен пријавен контакт, нема никави сиптоми и е негативна на Ковид-19. Градоначалникот на Велес, Аце Коцевски, вели дека не се потребни нови мерки во градот, туку само доследно почитување на постоечките, како носењето маски во затворени простории.
Инаку, мажот се вратил од Англија на 21-ви јуни и се пожалил на кашлица и покачена телесна температура. Неговиот матичен лекар, кога дознал дека тој се вратил од Англија, каде се шири делта сојот, веднаш го испратил во инфективното одделение во Велес, каде тој бил сместен на лекување.
Тој е во добра состојба и сместен во изолација во болницата во Велес.