Во редакцијата на Телма пристигнуваат бројни повици од стопанственици, болници, здруженија и стопански комори, кои сакаат да му ја дадат паричната награда на 13 годишниот Дамјан Давков и на неговиот наставник, а кои од страна на Комисијата при Министерството за образование и наука се одбиени, бидејќи штипскиот Питагора, чудо од дете бил основец, а државниот натревар по математика на кој учествувал е за средношколци во прва година. Телма и вчера и денеска го пренесува ставот на семејството Давкови, кои одбиваат било каква донација и парична награда од граѓани, фирми, здруженија и комори. Нивната реакција е за апсурдноста на одлуката и на Законот, кој според нив е погрешно толкуван.
Веќе имавме понуди и од други и одбив. Заблагодарете се во мое име. Не станува збор некој друг да ја дава наградата што го следува од Министерството за образование и наука, по Закон, вели за Телма, Никица Давкова мајка на Дамјан.