Македонскиот министер за надворешни работи, Бујар Османи, во вечерашното интервју за Топ Тема, рече дека тој не ги коментира секојдневните изјави од бугарските претставници, кои се навредливи за македонскиот идентитет и јазик, затоа што на тој начин би станал дел од преизборието во соседната држава.
Според Османи, не е начин да се брани македонскиот идентитет преку влегување во предизборниот амбиент во Бугарија, туку да се продолжи со официјалната комуникација на министерствата и спроведување на акцискиот план меѓу двете држави кој треба да помогне да се надминат споровите.
Тој потенцираше дека пристапот на македонскта страна е историјата да не се толкува како процес на ревизија на идентитетот, туку како процес на образование и надминување на стеротипите кои постојат во општеството.