Државниот инспекторат за труд го завршил надзорот во Министерството за политички систем и утврдил дека министерот Груби го прекршил Законот за заштита на населението од заразни болести затоа што како одговорно лице ја дозволил прославата без маски.
Инспекторите веќе му го врачиле прекршочниот платен налог од 500 евра, а за институцијата согласно законот за прекршоци нема глоба. Вицепремиерот Груби казната треба да ја плати за 8 дена, а досега ја плати помалата од дваесет евра за неносење маска издадена од МВР како што добија и сите останати на фотографијата.
Јована Тренчевска, директорката на Инспекторатот за Телма потврди дека прекршочниот налог е издаден е дека во нивните надлежности е само таква постапка.
Засега единствено се молчи за политичката одговорност на носителите на јавни функции и покрај барања за министерски оставки како што во европските држави поднесуваа функционерите кои не ги почитуваа мерките и го загрозуваа здравјето.
