Конкурсот за прием во студентските домови заврши, протоколите како ќе функционираат се донесени, ама се уште не се знае кој од студентите од четврти октомври ќе живее во студентски дом, а кој ќе треба да бара стан или соба под кирија. Освен тоа, на оние кои нема да бидат примени им се даде и избор да земат пари за превоз. Времето е кратко, ама од МОН велат сите студенти кои аплицирале нема да бидат оставени на цедило.
Во меѓувреме заврши обуката на националните тренери за платформата за онлајн настава. Секој од нив обучи по 40 наставници, или околу 1.600 наставници во земјава.
Од денеска до училиштата се праќаат и лозинки за вклучување на платформата која директорите и наставниците треба да ги препратат на учениците. Ваквата платформа ќе ја користат повеќете училишта во Македонија, затоа што само 169 училишта добија согласност за настава со физичко присуство и во повисоките одделенија.
Дозвола за редовна настава од 1-ви октомври добија само 4 средни училишта. Сепак, безразлика на моделот на настава, од Комисијата за заразни болести за Телма велат дека нема да има одложување на стартот на школската година.
Теодора Цветковска