Министрите за надворешни работи на ЕУ се согласија да се укине визната либерализација за Русите. Вакво барање претходно побара украинскиот претседател Зеленски, што предизвика жестока расправија меѓу земјите членки. Дел од нив, како Германија, Грција, Кипар и самата Европска комисија беа скептични и го отфрлаа овој ригиден предлог. Но, Финска, Полска, Чешка и балтичките земји веќе престанаа да им издаваат краткорочни визи на руските државјани. По денешниот неформален состанок, првите дипломати на ЕУ земјите сепак излегоа со заеднички став, кој го пренесе еврокомесарот за надворешна политика Борел. Објасни дека целта на укинувањето на визната либерализација за Русите е да се спречи тие што ја поддржуваат војната во Украина да патуваат за задоволство во Европа.
