Американскиот претседател Џо Бајден го предложи, Кенет Мертон, за нов американски амбасадор во Бугарија на местото на Херо Мустафа, кој е во Бугарија од 2019 година.Ова вчера беше објавено на веб-страницата на Белата куќа. Номинацијата на Бајден сега треба да биде одобрена од Сенатот.
Кенет Мертон, роден 1961 година, е член на Вишиот дипломатски сервис со ранг „министер за кариера“. Неодамна беше вршител на должност во американската амбасада на Хаити.
Тој претходно служеше како помошник генерален секретар во Бирото за прашања на западната хемисфера, а подоцна ја имаше истата позиција во Бирото за глобално управување со таленти. Мертон служеше и како амбасадор во Хрватска, Хаити и заменик државен секретар.
Тој беше амбасадор во Хрватска од 2012 до 2015 година и амбасадор на САД на Хаити од 2009 до 2012 година.
Неговите позиции вклучуваат и: економски советник во Амбасадата на САД во Франција, извршен асистент во Бирото за економски и деловни прашања на Стејт департментот и виш набљудувач во Оперативниот центар на Стејт департментот.
Мертон дипломирал на Универзитетот во Мајами во Оксфорд, Охајо, а потоа магистрирал на Американскиот универзитет во Вашингтон.
Добитник е на бројни награди, вклучувајќи го и Големиот крст на честа доделен од владата на Хаити за поддршката по земјотресот во 2010 година.
Мертон течно зборува хаитски креолски, француски, германски и шпански.