Претседателот на Европскиот совет, Шарл Мишел, објави дека е постигнат договор за забрана за увоз на руска нафта во ЕУ.
„Ова веднаш покрива повеќе од две третини од увозот на нафта од Русија, намалувајќи го огромниот извор на финансирање на руската воена машина. Ова создава максимален притисок врз Русија да ја прекине војната“, рече Мишел.
ЕУ, исто така, наводно преговарала за договор за забрана на 90 отсто од увозот на нафта од Русија во блок од 27 земји до крајот на 2022 година. Лидерите, исто така, се согласија да ја исклучат најголемата руска банка, Сбербанк, од системот СВИФТ и да забранат уште три руски државни телевизии и да ги санкционираат одговорните за воените злосторства во Украина, додаде тој.
Според „Гардијан“, пристигна првата реакција од Русија на одлуката на ЕУ да ја забрани руската нафта.
Постојаниот претставник на Русија во меѓународните организации во Виена, Михаил Улјанов, се огласи на Твитер по соопштението на претседателката на Европската комисија Урсула фон дер Лајен.
„Како што вчера со право рече Фон дер Лајен, Русија ќе најде други увозници. Важно е да се напомене дека таа сега противречи на нејзината вчерашна изјава. Многу брзата промена во начинот на размислување покажува дека ЕУ не е во добра форма“, напиша тој.
As she rightly said yesterday, #Russia will find other importers. Noteworthy that now she contradicts her own yesterday’s statement. Very quick change of the mindset indicates that the #EU is not in a good shape. https://t.co/MEtjlphv2U
— Mikhail Ulyanov (@Amb_Ulyanov) May 30, 2022