На годишнината од смртта на поранешниот претседател на СФРЈ, Јосип Броз Тито, кој почина на 4-ти Мај 1980-тата година, полицијата пријави дека добиле закана од непозната машка особа која тврдела дека ќе ја урне неговата куќа во Кумровец.
Анонимниот повик бил добиен во 10 часот наутро во оперативно-комуникацискиот центар. Заканата ја изрекол непознат маж, кој не зборел премногу долго, туку само кажал дека ќе ја уништи родната куќа на Тито и веднаш потоа го прекинал повикот.
По прегледот на куќата, сместена во Музејот на отворено „Старо село-Кумровец“, полицијата потврди дека не била најдена никаква експлозивна направа. Инаку, според локалните медиуми, ваквите закани не се невообичаен феномен, кога се ближи годишнатата од смртта на Јосип Броз.
Сепак, полицијата спроведува истрага а под надзор е и објектот.
