Партијата Движење за слобода предводена од Роберт Голоб е релативен победник на парламентарните избори во Словенија со најмногу добиени гласови, а на второ место е Словенечката демократска партија (СДС) на актуелниот премиер Јанез Јанша, според излезната анкета објавена во 19 часот.
Според резултатите од излезните анкети убедливо слави партијата Движење за слобода на чело со Роберт Голоб. Оваа партија доби најмногу гласови, 35,8 отсто, потоа Словенечката демократска партија на Јанез Јанша со 22,5 отсто и Нова Словенија која доби 6,8 отсто од гласовите.
Голоб им се заблагодари на граѓаните кои излегоа да гласаат и посебно за оние кои му ја донесоа изборната победа.
Луѓето навистина веруваат дека ние сме единствените кои можеме да донесеме промени. Денеска луѓето танцуваат, утре започнува нов ден и утре ќе почнеме да се обидуваме да ја оправдаме таа доверба, рече Голоб, целиот трогнат и повика: Ајде да танцуваме!
Сепак, според овие резултати, партијата на Голоб би освоила 42 мандати, во 90-члениот парламент, а за да формира Влада ќе му требаат уште шест.
Излезноста беше исто така голема, речиси 50% од 1,7 милиони гласачи гласаа до пладне, што е за 15% повеќе од претходните избори во 2018-та.