Руската новинарка која беше уапсена откако протестираше против војната во Украина во ТВ емисија во живо, вели дека се надевала дека ќе им ја „открие пропагандата“ што се емитува на нејзините сограѓани.
Марина Овсјаникова, уредничка на државниот Канал 1, беше приведена откако минатата недела втрча во студиото додека траеше емисијата и подигна антивоен знак.
Зборувајќи за американскиот ABC во неделата, Овсијаникова рече дека чувствува дека нејзината сега поранешна телевизија шири лаги за војната во Украина.
„Можев да видам што навистина се случува во Украина“, рече таа.
„Она што го прикажувавме во нашите програми беше многу различно од она што се случуваше во реалноста“, вели Овсјаникова.
Според Овсијаникова, таа прво размислувала да се приклучи на уличните протести во Русија, но одлучила нејзиниот протест на телевизија да биде позначаен и повлијателен.
„Можам да му покажам на рускиот народ дека ова е само пропаганда, да ја разоткрие оваа пропаганда каква што е“, рече таа.
Таа беше ослободена од притвор по 14-часовно испрашување и казнета со 30.000 рубли (227 долари).