Една нова студија тврди дека открила директна врска помеѓу откажувањето на бубрезите и болеста на коронавирус. Ковид-19 директно ги инфицира бубрежните клетки и може да предизвика сериозно оштетување на виталните органи.
Спроведено е научно истражување кое докажува врска помеѓу тешка инфекција и откажување на органите.
Во извештајот објавен во научното списание Cell Stem Cell, група истражувачи сугерираат дека Коивд-19 може да предизвика сериозни компликации кои влијаат на бубрезите на пациентот.
„SARS CoV 2 директно ги инфицира бубрежните клетки и е поврзан со зголемена тубуларно-транзициска бубрежна фиброза кај примероците од обдукцијата на пациентите“, се наведува во извештајот.
Бубрежната фиброза е поврзана со формирање на ткиво со лузни во органот и на крајот може да доведе до откажување на бубрезите.
Со инфицирање на примерок од бубрег со вирусот, истражувачите рекоа дека Ковид-19 може „директно да ги зарази бубрежните клетки, а потоа да доведе до оштетување на клетките со фиброза“.