Градоначалниците од источна Mакедонија реагираат дека се оставени сами на себе после поплавите кои го зафатија регионот.
Обвинуваат дека немаат поддршка од централната власт па се договориле да формираат локални кризни штабови во кои ќе ги мапираат најкритичните точки.
Во видеото изјавите на Виктор Паунов, Градоначалник на општина Карбинци, Александар Китански, Градоначалник на Општина Пехчево и Цветан Трипуновски, претседател на Комисија за земјоделство во ВМРО ДПМНЕ.
На ова регираат од водостопанство Брагалница. Директорот Дејан Митров во изјава за Телма вели дека каналите постојано се чистат и дека дури и во последните години должината која се чисти е речиси двојно зголемена.
Смета дека ова е политичка хајка, дека ВМРО ДПМНЕ манипулира со податоци и дека и според хидрометеролошкиот завод наврнале огромни количини вода поради која се поплавиле дел од површини под ориз.
Градоначалниците од редовите на ВМРО-ДПМНЕ својата неспособност да не ја покриваат со барање вина на друго место освен кај себе си, реагираат од СДСМ.
„Тие треба да се први на терен секогаш кога се случуваат временски непогоди, но наместо да се грижат за општините со кои раководат, тие поитаа да бараат оправдувања за нивното неработење, преку неосновани обвинувања кон институциите од централната власт. Владата, централните институции се секогаш со граѓаните, реагираат навремено во решавање на проблемите“, соопштуваат од СДСМ.