Почнуваат преговорите за формирање „семафор коалиција“, соопшти кандидатот за канцелар на Социјалдемократската партија на Германија (СДП) Олаф Шолц.
СДП денеска ќе почне разговори со Зелените и Партијата на слободата (ФДП), со која може да формира мнозинска влада.
Граѓаните и дадоа налог на СДП да формира влада, а наше е да го реализираме тоа, Тоа е она за кое ќе разговараме, рече Шолц. Тој додаде дека новата влада мора да спроведе економска и индустриска модернизација и посилно да се бори против климатските промени.
Разговорите ќе се одржат денеска од 11 до 17 часот на саемот во Берлин, соопшти СДП. Доколку трите партии постигнат договор, Германија по 16-годишното владеење на Ангела Меркел повторно ќе добие влада предводена од социјалдемократите.