Двајца повозрасни македонски туристи денеска напладне се удавиле на плажата Спиле, кај албанскиот пристанишен град Драч. Според првичните сознанија причина се големите бранови и срцев удар. Станува збор за двајца Макецонци на возраст од 78 и 79 години. Генералнот секретар на албанската федерација на спасувачи на вода, Гент Ласаку, за „Њуз 24“ изјави дека двајцата туристи се капеле на јавна плажа, и биле дел од туристичка група од Македонија.
На двајцата туристи им беше направена срцева масажа, но не беше можно тие да се вратат во живот. Набљудувачот интервенирал кога најпрво видел едно од телата. Но, кога влегол понатаму во морето, ги видел двете тела. Причината за давењето е срцев застој. И двајцата се мажи. Изразувам сочувство до нивните семејства, рече Ласаку.
Според него, плажата каде што биле немала надљудувачи, туку интервенирал набљудувач од соседната плажа. Срцева масажа правеа лица присутни на плажата, а потоа интервенираше и првата помош. Речиси во исто време на плажа во Велипоја се удавил косовски турист на 59-годишна возраст.
