Европскиот парламент гласаше за започнување разговори со Советот на ЕУ за предлогот за дигитално евро. кој ќе им понуди на граѓаните безбеден начин да ја намалат зависноста од даватели на услуги надвор од ЕУ. Пратениците на ЕУ вчера кажаа дека се подготвени да започнат преговори со владите на земјите-членки за тоа како ќе функционира дигиталното евро.
Со 416 гласови „за“, 169 „против“ и 22 „воздржани“ за создавање дигитално евро Европскиот парламент даде зелено светло да продолжи кон следната фаза од законодавниот процес.
Дигиталното евро би било електронска форма на пари од централната банка, издадени и поддржани од Европската централна банка . Наменето е да ги надополни готовината и постојните банкарски услуги, наместо да ги замени.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.