Руските системи за противвоздушна одбрана во текот на ноќта пресретнале и уништиле 315 украински дронови над повеќе региони на Русија, соопшти Министерството за одбрана.
Беспилотни летала биле соборени над Белгородска, Брјанска, Воронежка, Калушка, Курска, Липецка, Новгородска, Орловска, Псковска, Рјазанска, Ростовска, Смоленска, Тамбовска, Тверска, Тулска и Јарославска област, како и над подрачјето на Москва, Краснодарскиот крај, Крим и над Азовското Море.
Градоначалникот на Москва, Сергеј Собјанин, во меѓувреме соопшти дека бил пресретнат и трет дрон што се движел кон руската престолнина, а службите за вонредни состојби работат на локациите каде паднале остатоци од леталата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.