Министерството за култура и туризам информира дека постапката за избор на изведувач за Универзална сала успешно е заокружена откако Државната комисија за жалби по јавни набавки ја одби како неоснована жалбата на економскиот оператор и го потврди изборот на најповолна понуда.
Од министерството велат дека со ова се отстранува и последната правна пречка за почеток на градежните работи.
Со решението дефинитивно се потврдува Одлуката за избор на најповолна понуда од 23.03.2026 година и е одбран конечен изведувач на проектот.
КОД: Многу политика околу Универзална сала, а се заврши со пожар
Проектот се реализира по принципот „клуч на рака“, а реконструкцијата на Универзалната сала треба да заврши до декември 2027 година.
Ова е клучен проект во рамките на подготовките на Скопје за носењето на престижната титула – Европска престолнина на културата 2028, соопшти Министерството за култура и туризам.
За реконструкцијата и претходната и актуелната влада одобриле околу 20 милиони евра.
Минатата година Бујар Муча, проектантот на реконструкцијата на Универзална сала рече дека заради почитување на колективната меморија, објектот ќе ја задржи постојната форма и габарит.
Oбнова на Универзална сала по стар проект – тече рокот на тендерот за избор на изведувач и надзор