Aвстралискиот премиер Eнтони Aлбанезе објави дека една милијарда австралиски долари во бескаматни заеми се достапни за бизниси вклучени во горива, ѓубрива и други критични синџири на снабдување.
Според информациите, заемите ќе помогнат австралиските камиони, возови и авиони да продолжат да се движат и покрај прекините во снабдувањето со гориво предизвикани од војната во Иран.
-Денес објавувам дека во рамките на нашата Програма за економска отпорност ќе обезбедиме 1 милијарда долари (689 милиони) во бескаматни заеми за производствени и горивни бизниси кои се справуваат со економските трошоци од овој конфликт. Камионџии (возачи на камиони), компании за превоз на товар и производители на гориво и ѓубрива – овие фирми не се само погодени од оваа глобална криза, туку се од суштинско значење и за Австралија да ја надмине оваа криза, изјави Албанезе.