Одржување на јавна расправа за постапката за обновување на дозволата за УСЈЕ, најавија од министерството за животна средина и просторно планирање за што, како што додаваат, веќе е поднесено барање.
„На расправата ќе бидат поканети сите засегнати страни, вклучително и претставници на граѓанските организации, иницијативи и стручната јавност. Сметаме дека суштинскиот придонес се остварува преку отворен и аргументиран дијалог во институционални рамки. Граѓанскиот сектор е важен партнер во напорите за заштита на животната средина. А токму преку транспарентни процеси може да се изгради доверба во институциите и да се обезбедат одржливи решенија во интерес на граѓаните“, се наведува во соопштението на министерството за животна средина и просторно планирање.