Иранскиот министер за надворешни работи, Абас Арагчи, негираше дека официјален Техеран има некакви планови за брзи судења и егзекуции на осомничените лица, приведени во протестите во државата, тврдејќи дека „нема никакви планови за бесења“.
Коментарите на Абагчи следуваат откако шефот на иранското правосудство изјави дека владата мора брзо да дејствува и да ги казни илјадниците лица кои се зад решетки.
Но, американскиот претседател, Доналд Трамп, вчера изјави дека му било кажано дека плановите за егзекуции во Иран се запрени, без да соопшти многу детали.
Ова се случува, еден ден откако Трамп им порача на демонстрантите во Иран дека „помошта доаѓа“ и дека неговата администрација ќе реагира соодветно на смртоносните операции на безбедносните сили на Иран против демонстрантите.
Арагчи исто така во интервјуто за Фокс Њуз се обиде да ја смири реториката, апелирајќи до САД да најдат решение преку преговори.
Во операциите на Иран против демонстрантите биле убиени најмалку 2 615 лица, потврди организацијата, новинска агенција на активисти за човекови права.
Овој смртоносен биланс го надминува кој било од претходните протести или немири во Иран, во децении и потсетува на хаосот во државата по Исламската револуција од 1979-тата година.