Ечеше плоштадот Славија. Говорници младите студенти. Не ја штедеа власта од која бараа одговорност, а до своите сограѓани да им се придружат и да го променат општеството. Стотина илјади молчеа и слушаа. Заврши протестот во Белград.
Студентите го организираа и водеа протестот и предмалку свирнаа крај. Тие како официјални организатори пред завршувањето на последниот дел од протестот кога требаше да се молчи 15 минути за загинатите под настрешницата јавија на социјланите мрежи дека ја повлекуваат редарската служба. Tоа први го направија студентите од Факултетот за драмски уметности во Белград, откако од правец на Пионерски парк кон нив било фрлано со шишиња и камења, а се слушнаа и видеа експлозии од пиротехнички средства.
Додека граѓаните циркулираат во центарот на градот, полицијата излезе од малите и тесни улички, но не се знае во кој правец ќе се упати. Последен за збор денеска најави претседателот Александар Вучиќ со вондредно обраќање во 22 часот.
