По речиси една недела откако и беше изгласана интерпелација и бројни меѓусебни препукувања, претседателката на собраниската комисија за социјална политика, Илире Даути си поднесе оставка. Но, и тоа не го стори без драма. Инсистираше на денешната седница да ја образложи оставката, а откако тоа не и беше дозволено, одбиваше да ја напушти говорницата.
Гаши одговори дека доцна ја добил оставката и ќе може да ја образложи на следната седница.
Пратеници ѝ довикуваа дека го прекршува деловникот, но таа беше упорна, по што беше дадена пауза. По паузата, Даути повторно застана на говорницата, а пратениците од „Европскиот фронт“ застанаа до неа, по што Гаши попушти. По ова, беше констатирано дека Даути повеќе не е претседателка на комисијата.
Интерпелација ѝ беше изгласана во петокот, затоа што одбиваше да го стави на дневен ред законот за бранителите. Освен Левица, кои го поднесоа предлогот, поддршка дадоа и од ВМРО-ДПМНЕ и ЗНАМ. Партиите на Албанците гласаа „против“, додека СДСМ ја напуштија седницата.
Далиборка Демјанска Цветановска