„Митинг-двобојот„ закажан во Тетово на Ѓурѓовден, сепак е неизвесен. Од „Вреди„ ќе ја преиспитаат одлуката, да го одржат завршниот митинг на 6 мај на тетовскиот плоштад, истовремено кога на истото место и во истиот термин, митинг имаат закажано и од „Европскиот фронт„. Тврдат дека ДУИ не се во право кога велат дека први го резервирале местото, но сакаат да спречат провокации и инциденти.
Од Европскиот фронт немаат намера да го откажат митингот или да го сменат терминот.
За изјавата на Мицкоски, дека ДУИ подготвува инциденти и во главниот град, Арта Зендели вели дека е нејасна и несериозна.
Претседателот на ВМРО ДПМНЕ, вчера предупреди дека, група на вооружени лица се движи низ Чаир и Бутел и нив ги координира соработник на Али Ахмети, со цел да предизвикаат инциденти.
Далиборка Демјанска Цветановска