Уште една ноќ Скопје ја помина на врвот на неславната ранг листа на земји со најзагаден воздух во светот. Земјава пак се најде во првите десет најзагадени држави.
Веб-сервисот за рангирање покажа дека Македонија синоќа котираше на високата осмата позиција.
Гледано по градови во земјава прв на листата беше Скопје, односно Општина Шуто Оризари.
Потоа, следуваат Кавадарци, Струмица, Кичево, Велес, Неготино и Битола.
Меѓу најзагадените општини во Скопје беа и Ѓорче Петров и Чаир.
Апликацијата „Мој воздух“ синоќа покажа дека во Скопје речиси во секоја општина воздухот е загаден со високи концентрации на ПМ честички.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.