Сиприен Саразaн триумфираше на спустот на легендарната патека „Стелвио“ во Бормио и ја изненади конкуренцијата во Светскиот куп во алпско скијање.
Саразaн дојде до својата втора победа во кариерата во Светскиот куп со време од 1:50,73 минути и стана првиот Французин што славел во спуст по пауза од осум години. Зад него финишираше Марко Одермат од Швајцарија, а трет беше Канаѓанецот Камерон Александер.
Двајца фаворити за висок пласман како Марко Шварц и Александер Амод Килде не ја завршија трката.
Во спуст Одермат е лидер со 176 бодови, пред Брајс Бенет, кој има 16 бодови помалку, колку што има и Килде. Во генералниот поредок, Одермат исто така е на првото место со 536 бодови, Шварц е втор со 464 бодови.
Утре во Бормио се вози трка во супер велеслалом по што следува пауза од една недела поради новогодишните празници, а Светскиот куп продолжува во Аделбоден, Швајцарија, на 6. и 7.јануари.