Македонската женска ракометна репрезентација славеше и на втората контрола со Велика Британија во Скопје.
Тимот од Островото не беше достоен ривал за нашите девојки на двата натпревари. Откако вчера нашата селекција славеше со 36-17, а денеска остваривме уште една убедлива победа од 34-19.
Селекторот Кристијан Грчевски на овој собир во рамки на ЕХФ-неделата повика само ракометарки од домашното првенство со цел да го селектира квалитетот за во иднина и продолжението од евроквалификациите. Таму Македонија, веќе има две победи против Азербејџан и Литванија и е многу близо до пласман на континенталниот турнир идната есен. Во февруари и март следува двомеч со фаворитот во групата 5, Шпанија, која очекувано исто така има максимален ефект.
На Европското првенство учество обезбедуваат првите две репрезентации од групата.
