На вториот ден од Европското првенство во сала што се одржува во Истанбул постигнат е првиот светски рекорд.
Нафисату Тиам од Белгија во петте дисциплини освои вкупно 5055 бода со што го надмина досегашниот светски рекорд на Украинката, Наталија Добринска која во 2012-тата исто така во Истанбул имаше 5013 бода.
За двојната олимписка и светска шампионка, ова беше трето европско злато во сала откако претходно беше најдобра во Белград и Торино.
Среброто и припадна на Адријан Шулек од Полска која за еден бод го надмина рекордот на Добринска додека бронзениот медал го освои Нор Видс од Белгија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.