Холанѓанката Фемке Бол продолжува со извонредни резултати на натпреварите во сала. Дваесет и две годишната атлетичарка на митингот во Апелдорн го собори 41 година стариот светски рекорд на 400 метри што беше сопственост на Јармила Кратохвилова.
Бол делницата ја мина за 49 секунди и 26 стотинки и за 33 стоти дела го собори рекордот на легендарната натпреварувачка од Чехословачка поставен во март 1982 година.
Големиот ден за светската атлетика го најави Американецот, Рајан Краузер кој на митингот во Ајдахо ѓулето го фрли на далечина од 23 метри и 38 сантиметри и за само еден сантиметар го надмина сопственото постигнување од пред две години.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.