Вести Македонија

Матка – споменик на природата, украсен со дивоградби и платформи

„Споменик на природата“ – ваков статус го очекува Кањонот Матка по долги години перипетии и натегања на екологистите, со носителите на одлуките.

Владата го утврди текстот на Предлог-законот. Првиот филтер е поминат, а образложението е: заштита на природните посебности, карактеристични за Кањонот.

Матка во последните години е нагрдена и со разни дивоградби, платформи и диво поставени конструкции за нечиј профит.

Проблем кој сѐ уште не се решава, а не се знае ниту што ќе биде во иднина.

„Министерството за животна средина и просторно планирање нема надлежност во однос на дивоградбите и платформите. Со Законот за прогласување на Матка за заштитено подрачје се уредуваат категоријата на заштита, границите на заштитеното подрачје, зоните на заштита со кои се одредува каде и какви активности можат да се преземаат во заштитените зони, како и начинот на управување“ велат од Министерството за животна средина и просторно планирање, во одговор за Телма.

Телма се обиде да стапи во контакт со првиот човек на Општина Сарај и општинските служби. Што ќе биде со дивоградбите и платформите и дали истите ќе бидат урнати, надлежните не кажуваат.

Непознат е и бројот на дивоградби таму и покрај тоа што тој дел набрзо ќе стане споменик на природата.

Предлог-законот за Матка – споменик на природата е предложен од страна на секторот Животна средина.

Петар Догов

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

“Вреди” по потегот на Силјановска: Не треба да се отвараат стари рани, ги разбираме емоциите, но не чекаат уставни измени на европскиот пат

Дејан Дејан

Зеленски: Жестоки борби во Харковскиот регион, целта е да се растегне и деморализира украинската одбрана

Дејан Дејан

И ЕУ со реакција на првиот претседателски потег на Силјановска: Жалење поради постапката, а Уставот и меѓудржавните договори мора да се почитуваат

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе