Поднесено обвинение против Жан Митрев и клиниката. Од скопското обвинителство информираат дека обвинението е за делото „измама“, за кое е предвидена затворска казна од 1 до 10 години.
Обвинителството брифираше дека се собрани докази за обвинетиот со кои е заклучено дека тој извршил прикривање на клучни факти за хемофилтрација – метод кој го прикажувал каков што не е, и не треба да биде. Така што пациентите биле доведени во заблуда од страна на обвинетиот дека хемофилтрацијата е алтернативен начин на лекување на корона без научни докази.
Во обвинителството имало вкупно 283 пријавени оштетени кои биле дел од истрагата.
Правното лице се здобило со имотна корист од 97.461.600 денари односно околу 1,6 милиони евра за хемофилтрации, пресметале од Обвинителството.
