АД Електрани на Северна Македонија соопшти дека ТЕЦ „Неготино“ од изутринава ќе почне со активности за нејзино ставање во функција на производство.
„Утрово во 7:30 часот почнуваат активности за ставање на електраната во функција на производство“, информираат од Електрани на Северна Македонија.
Како што посочија од компанијата, во договорот со економскиот оператор кој ги изведувал работите бил наведен 15 декември како датум за завршување на зафатите.
Во сервисните и ремонтните активности беа вклучени економскиот оператор „Монтинг Инженеринг“, вработените во ТЕЦ „Неготино“, АД ЕСМ, РЕК Битола и консултанти од производителот од Украина.
Генераторот е произведен во 1975 година и во ТЕЦ „Неготино“ е ставен во употреба во 1978 година. Ова е прво отворање и големо ремонтирање на генераторот.