Седумдесет вработени, од кои 20 лекари, си заминале од штипската Клиничка болница. Директорот Ален Ѓеорѓијев вели, за две и пол години од 550 вработени, сега на сите одделенија работат вкупно 470 лекари, медицински кадар и хигиеничари. Кадарот си заминува по различни основи, а во тој период не е примен ниту еден лекар или медицински кадар. По Нова година е најавено дека дел од кадарот од гинекологија, анестезиологија, лаборанти и сестри од хируршките оддели ќе заминат во приватна болница.
Заминувањето на кадарот од штипската болница во приватното здравство ќе биде сериозен удар, бидејќи како што вели Ѓеорѓијев со години се создаваат, едуцираат медицински сестри за анестозиологија, операциони сали и акушерство. Затоа е потребно веднаш да се пополнат испразните места, со цел да не трпат пациентите од два региони во земјава.
Викторија Јованова