Во Кувајт утринава се огласија сирени за воздушна опасност, откако земјата соопшти дека нејзината противвоздушна одбрана пресретнала проектили. Инцидентот следува по американските воздушни напади врз цели во Иран.
И Бахреин претходно објави дека бил изложен на ракетен напад, но засега нема официјална потврда дека некоја цел била погодена во двете земји. Според првичните информации, Иран возвратил со напади кон Бахреин и Кувајт по американската воена операција.
САД ги извршија нападите откако го обвинија Техеран за напад врз три трговски бродови во Ормускиот Теснец. Ситуацијата дополнително ги зголемува тензиите во регионот, а властите внимателно го следат развојот на настаните.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.