Домашната ракометна титула од Битола се враќа во Скопје. Вардар беше супериорен на денешното дерби соочување со Еурофарм Пелистер и на три кола пред официјалниот крај на сезоната ја завери титулата.
Она што некогашниот играч, а актуелен тренер на „црвено-црните“, го најави на стартот од сезоната кога седна на клупата во „Јане Сандански“, вечерва се исполни. Со конечен резултат 34:19, Вардар ја завери домашната ракометна титула на која последен пат се радуваше во 2022 година.
Иако натпреварот меѓу овие два тима има статус на дерби, овојпат дефинитивно не го оправда истиот, затоа што составот на Е. Пелистер очигледно не беше подготвен и не инсистираше на надигрување, ситуација за која доволно говори предноста од шест погодоци за Вардар на полувреме.
Во вториот дел, предноста се искачи и на 10 голови за што најмогу придонесоа Урош Митровиќ со вкупно седум погодоци и Јака Малус со шест. Во поразениот табор, капитенот Филип Кузмановски овојпат броеше само до четири, истовремено двапати беше непрецизен од пенал.
До официјалното комплетирање на сезоната во ракометната Супер лига претстојат уште три плеј-оф кола во кои Вардар има целосно право да ужива во враќањето на дел од некогашниот шампионски сјај и да ги одработи рутинирано, пред да биде подигнат пехарот.
Ј.С.