Со извици “Рама оди си”, “Техничка влада”, “Избори без Рама премиер”, синоќа на улиците на Тирана протестираа граѓаните кои власта ја обвинуваат за високите цени на горивата, неизоставно ја споменаа и Белинда Балуку, поранешна вицепремиерка и министерка за инфраструктура, осомничена за корупција.
Демонстранти фрлаа огномети и молотови коктели врз седиштето на владејачката партија, а полицијата употреби водени топови и солзавец за да ги растера. Мета на демонстрантите беа и министерствата за внатрешни работи, за инфраструктура, како и други институции, меѓу кои и парламентот.
Полициски специјалци ја блокираа улицата кон поранешната вила на Енвер Хоџа, сега културен центар. Беа ангажирани над 1600 полициски службеници, како и припадниците на специјалните полициски единици. Овој протест е шести по ред на поддржувачите на опозицијата кои продолжуваат да бараат смена на премиерот Еди Рама и отворање пат за привремена влада, која би ја водела земјата кон предвремени избори.
Во декември, вицепремиерката Белинда Балуку, блиска соработничка на Рама, беше суспендирана поради корупциски скандал кој сега се истражува. Неколку поранешни министри во владите на Рама, исто така, беа цел на истраги за корупција.
🔥🚨BREAKING: Violent clashes erupt in Albania as protesters hurl petrol bombs and firecrackers at Prime Minister Edi Rama’s residence in Tirana.
💦 #Albania #EdiRama #Protests #BreakingNews— GLOBAL PULSE 360 (@GLOBALPULSE0102) March 23, 2026
Т.Д.