Да се формира кризен штаб кој на дневна основа ќе ја следи состојбата и врз основа на тоа ќе се креираат мерки. Експертската јавност повторно и сугерира на Владата дека треба веднаш да интервенира, за да се ублажат последиците наметнати од воениот конфликт на Блискиот исток, кој се продлабочува.
Неопходна е проактивна улога на државата се со цел да се интервенира дали преку акцизи, дали преку намалување на ДДВ дали преку одредени ограничувања за да се заштити колку што е можно стандардот на населението затоа што најголем дел од ефектите на кризите секогаш ги чувствуваат обичните граѓани, изјави Кирил Миновски, поранешен министер за финансии
Познавачите предупредуваат дека земјава последиците – економските и безбедносните допрва ќе ги почувствуваме.
Последиците ние ќе ги почувствуваме за недела дена, 10 дена од сега. Уште не сме виделе ништо од тоа, втората работа е економскиот шок и безбедносен шок во однос на отворањето на рутата на миграција, изјави Раби Седрак безбедносен аналитичар
Цената на нафтата на берзите продолжува да расте. Во одредени часови достигна и до 118 долари за барел – слична со онаа за време на стартот на конфликтот со Украина. Ваквиот скок на два пати ја вивна цената на горивата. Предупредувања има и за други поскапувања.
До сега стопанствениците и експертската јавност неколку пати посочија дека мерки треба веднаш. Други забележуваа дека и се доцни. Но, за сега од Владата дека активно се следи состојбата, најава за друго нема.
Во меѓувреме поголем дел од земјите во соседството уште минатата недела интервенираа. Од денеска пак во Словенија се ограничи точењето на гориво.
Освен кај нафтата сериозен скок има и кај цената на гасот. На брзите за струја пак цената за мегават надминува 150 евра.
Ирена Чачкова