Состанокот за Kамионџиите, кој требаше да се одржи во Брисел е одложен, оставајќи ги меѓународните превозници во неизвесност.
Последиците од примената на Шенгенските правила веќе се видливи на терен, а возачите кои го надминуваат дозволениот престој се третираат како нелегални мигранти.
Европската комисија призна дека сегашните правила за престој од максимум 90 дена во период од 180 дена не одговараат на реалните услови за професионалните возачи.
Се најавува воведување посебен режим на продолжен краток престој, кој би им овозможил на камионџиите да останат во Шенген-зоната под контрола и со јасни правила, но засега решение нема.
Превозниците предупредуваат дека овој состанок е клучен, бидејќи од 1 април почнува рокот кога земјите од ЕУ би можеле строго да го применат правилото за максимален 90-дневен престој. Во пракса, тоа значи дека бројот на можни тури ќе се намали, што сериозно ја загрозува одржливоста на бизнисот и работата на возачите.