Единаесетгодишно дете од Пенсилванија е обвинето за убиство на неговиот татко, откако, според наводите, пукал во него бидејќи му ја одзел конзолата на играње Нинтендо Свич (Nintendo Switch), пишува „Гардијан“.
Полицијата била повикана во семејната куќа во Данканон Бороу околу 03:20 часот наутро, каде бил пронајден 42-годишниот Даглас Диц мртов во кревет, со прострелна рана во главата.
По истрагата на властите, како осомнилен е идентификуван 11-годишниот син на жртвата. Според полицискиот извештај, детето, на кое дента му било роденден, влегол во една од соба викајќи „Тато е мртов“. Полицајците исто така слушнале како ѝ рекол на мајка му „го убив тато“.
Детето им раскажало на полицајците дека минал убав ден со родителите, но се „налутил“ кога татко му му рекол дека е време за спиење.
Според судските документи, детето им објаснило на полицајците дека клучот од сефот со оружје го пронашол во фиоката на татко му во спалната соба. Го отклучил, барајќи го својот Нинтендо Свич, кој претходно му бил одземен, и внатре пронашол пиштол.
Синот притоа призна дека „го извадил пиштолот од сефот, ставил куршуми во негои се доближил до страната на креветот на кој лежел татко му“, стои во изјавата на полицијата.
Запрашан што мислел дека ќе се случи, детето одговорило дека било „нервозно“ и дека „не размислувало за тоа“. Судското рочиште е закажано за 22 јануари.