Американскиот претседател Доналд Трамп ја повика Куба да „направи договор“ со САД, предупредувајќи дека во спротивно ќе се соочи со последици, вклучувајќи целосен прекин на нафтата и финансиската поддршка од Венецуела.
Изјавата доаѓа по неодамнешната американска операција во Каракас, во која беше уапсен венецуелскиот лидер Николас Мадуро, долгогодишен сојузник на Хавана.
Трамп наведе дека САД веќе запленуваат танкери со венецуелска нафта и дека „нема да има повеќе нафта или пари за Куба“.
Кубанските власти остро реагираа, истакнувајќи дека земјата има суверено право да увезува гориво без мешање од САД.
Претседателот Мигел Дијас-Канел порача дека „никој не ѝ диктира на Куба што да прави“.
Затегнатите односи меѓу Вашингтон и Хавана дополнително се влошија, откако Трамп повторно ја стави Куба на листата на држави спонзори на тероризам.
Американската администрација сè поотворено ја насочува својата политика кон Латинска Америка, додека Куба се соочува со продлабочена енергетска и економска криза поради новите американски мерки.