Се зголеми бројот на загинати лица по големиот руски напад врз Киев кој се случи ноќта меѓу сабота и недела. Спасувачките служби денеска пронајдоа уште едно тело во урнатините на деветкатница погодена од нападот, со што вкупниот број на жртви достигна три.
Меѓу загинатите се и мајка и нејзиното тримесечно бебе.
Во најголемиот воздушен напад врз украинската престолнина од почетокот на војната, Русија испратила 810 дронови и ракети кон Киев.
Украинската воздушна одбрана успеала да неутрализира 747 дронови и 4 ракети, но дел од нападот сепак успеал да предизвика значителна материјална штета.
Погодена е деветкатница во која делумно се урнати неколку спрата, а во нападот биле повредени и повеќе луѓе.
Овој напад дополнително ги зголеми тензиите и стравувањата кај цивилното население во главниот град на Украина, кое веќе долго време живее со заканата од руски воздушни напади.