Вишиот кривичен суд во Истанбул издаде налог за апсење на израелскиот премиер Бенјамин Нетанјаху во врска со случајот поврзан со израелската интервенција против хуманитарната флотила „Сумуд“, која превезувала помош за Газа.
Судот, според турските медиуми, покренал и постапка за издавање црвена потерница за Нетанјаху и други обвинети. Во обвинението се наведуваат тешки кривични дела, меѓу кои злосторства против човештвото и геноцид, како и обвиненија за тортура, незаконско лишување од слобода и попречување на поморскиот сообраќај.
Одлуката е донесена со цел да се обезбеди присуство на обвинетите во понатамошната постапка… Правните и дипломатските процедури за црвена потерница се во тек, додека судскиот процес продолжува пред Вишиот кривичен суд во Истанбул.