Со патролно возило на министерство за економија и беспрекорно маскирани во униформи, двајца Парагвајци се обиделе да пренесат 150 килограми кокаин во општината Гуарапуава во бразилската држава Парана.
Двајца Парагвајци најпрвин биле уапсени од Федералната автопатска полиција која ги стопирала, бидејќи се посомневала во возилото кое го управувале. Возилото имало лого и натпи „Министерство за економија“ кое требало да биде „Министерство за финансии“ на португалски јазик.
Кога го запреле наводното патролно возило, наишле на униформирани мажи, но откако размениле неколку зборови, сфатиле дека не припаѓаат на институцијата. Брзата проверка открила дека возилото превезувало неколку тули кокаин со тежина од над 150 килограми. Покрај дрогата, тие носеле и 100 луксузни мобилни телефони.
Парагвајците изјавиле дека возилото со товарот им било доставено во општината Санта Тересиња де Итаипу и дека требало да го одвезат до главниот град на државата, Куритиба. Тие веќе поминале речиси 400 километри кога биле откриени. Двајцата биле уапсени in „flagrante delicto“ и предадени на Федералната полиција во Гуарапуава. Засега нивниот идентитет не се открива, бидејќи надлежните се сомневаат дека може да е поврзано и со криминални дејствија.
