Најмалку 30 Палестинци се убиени, а околу 300 се повредени во израелски напад додека чекале хуманитарна помош во северна Газа, соопштија властите во Газа кои се под контрола на Хамас.
Израелската војска соопшти дека испукала „предупредувачки истрели“ откако цивили се приближиле до камиони со помош, но тврди дека нема информации за жртви.
Болнички извори во Газа информираат дека бројот на загинати достигнал најмалку 48 лица, додека ОН наведуваат дека над 1.000 Палестинци се убиени додека барале храна од крајот на мај.
Повеќе од 150 лица починале од неухранетост, вклучително и 89 деца, според Министерство за здравство во земјата.
Инцидентот се случува додека хуманитарната криза во Газа се продлабочува. ОН предупредуваат дека „најлошото сценарио – глад – веќе се случува“, и покрај најавените „тактички паузи“ од страна на Израел за овозможување достава на помош.
Генералниот секретар на ОН, Антонио Гутереш, повика на итно и неограничено снабдување со основни средства.