Поради пожар, времено е затворен граничниот премин Меџитлија за влез и излез од Македонија кон соседна Грција.
Од ТППЕ Битола информираат дека гори сува трева, како последица од запалено стрниште во непосредна близина на границата. Поради густиот чад што се шири во околината, сообраќајот е запрен, а преминот е затворен.
- Гори огромна површина, над 50 хектари сува трева, а пожарот е настанат од стрниште. Има чад, но нема опасност за граничниот премин. Веќе ја известив полицијата дека сообраќајот може повторно да биде пуштен. Гаснеме со пет противпожарни возила и 13 пожарникари, изјави за Телма командирот на ТППЕ Битола, Христијан Тодоровски.
Во меѓувреме, околу стотина граѓани кои сакале да влезат во Македонија преку Меџитлија биле вратени и моментално чекаат на најблиската бензинска пумпа во Грција преминот да биде повторно отворен.
Емилија Мисирлиевски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.