Техеран им соопштил на посредниците од Катар и Оман дека нема да учествува во преговори за прекин на огнот со Израел сè додека продолжуваат израелските воздушни напади врз иранска територија.
„Иранските власти ги информираа катарските и оманските медијатори дека се подготвени да продолжат со разговори дури по завршувањето на целосниот ирански одговор на израелските превентивни напади,“ пренесуваат регионални извори.
Оман, кој во последните месеци посредуваше во индиректните нуклеарни разговори меѓу Иран и САД, се обидува да ги обнови дипломатските напори, но последната рунда разговори беше откажана веднаш по почетокот на големата израелска офанзива врз Иран.
Меѓувреме, тензиите меѓу двете земји се зголемуваат, а меѓународната заедница сè повеќе повикува на деескалација и враќање кон дипломатија.
